2007年12月20日 時晴時霧

今日收到獅子銀行寄來的通知書，內容係介紹新的強積金管理計劃同通知客戶新的基金收費。見佢收費降低o左，條氣終於順番。就講佔我強積金最大比例的恆指基金，其收費由總資產的 1.5% 降到 1.1%，比之前減o左0.4%，但如果同盈富基金相比，其收費依然昂貴。據盈富基的2006 的年報，2006年恆指升了 34.2%，而盈富每基金單位則升了 34.04%，所以盈富基金的管理費就是你資產的 0.16%。所以獅子銀行之前每年食掉我強積金的 1.34% 都真係獅子開大口。今次真係要多謝范鴻齡，唔係佢開聲，我地呢d小市民唔知仲要俾d大金融機構剝削到幾時呢？