2007年12月21日 晴

琴日行開時代廣場 CitySuper，見到同事之前係聖誔 party 收到的聖誔禮物。份禮物其實係一套養魚套件，包括一d混了魚卵的泥，一d 蝦卵，一枝針筒同埋一個裝魚的玻璃杯。據說明書講，只要將d泥放入個玻璃杯再加d 蒸餾水等幾日就會孵出小魚，過一兩個星期d 魚仔大了之後就可以開始養小蝦俾佢地食。聽留言版的朋友講，個原理其實好簡單，當卵的外殼遇到水的時候，入面的小魚就會被活化，然後開始生長。而呢一種生存機制可以幫助d物種係極惡劣的環境下延續下一代。